Ақтөбе облысының білім басқарма басшысы Бұлбұл Күзембаеваның атынан ардагер ұстазымыз Маржан Хамитовнаны құттықтады.
Сіздің саналы ғұмырыңыз – ұрпақ тәрбиесіне, ел болашағына арналған өлшеусіз еңбек пен мейірімнің үлгісі. Бүгінгі күн – Сіздің еңбегіңізге тағзым етіп, ұстаздық жүрегіңіздің жылуын сезінетін күн. Біз үшін Сіз – дана да дара тұлға, өнегелі өмірдің шамшырағысыз. Сіз үйреткен ізгілік пен білімнің дәні бүгінде талай жастың жүрегінде көктеп, елге қызмет етіп жүр. Шәкірттеріңіздің және әріптестеріңіздің ыстық ықыласы, отбасыңыздың амандығы, жүрегіңіздің жастығы мәңгі болсын! Сізге зор денсаулық, мол бақыт, ұзақ ғұмыр тілейміз!
